اليوم يوم العز يوم المفخرة

اليوم يوم العز يوم المفخره
يوم تحوم صقورنا بجبالها
في حضرة شيوخنا شيوخ عز ومقدره
ناس لها بالخير قدر اعمالها
يا حافظ القران بشراك بجنة وقنطرة
لك منزله فوق السحايب من هو غيرك نالها
في معهد سامي بعلمه في جماله ومنظره
عالي عزيز حاضر يكرم يعز رجالها
اصرخ بصوتي من خفوقي بكل قوة حنجره
في حافظ القران ترجع للعرب امالها
قران وفقه ونور والسنن المطهرة
يا بخت حافظها وخادمها وحمالها
مني التقصير وحق علي المعذره
ان ما وفيت رجالنا ذره ببحر افعالها
ابشر ياخوي عزكم طيب وبخور بمبخره
معكم كريم بالكرم صحرا يا كثر رمالها
ويطيب لي بالحشد بين الناس و عند الجمهره
اشهد على حق يقال بل انا قوالها
من فضل ربي المنعم الرزاق راعي المغفره
انعم علينا بجود شهم وهو عز رجالها
خدمة كتاب الله شرف نوماس عز ومفخره
خدمه جليله غيرك ما يقوالها
صلو عالنبي الهادي العزيز وعالي المقدره
خير من الدنيا واهلها وزينها ومالها